Inona no atao hoe fahatahorana ny Tompo? Ny fahatahorana an'i Jehovah no fiandoham-pahendrena,
ary ny fahalalana ny masina dia fahalalana
Ny fahatahorana an'i Jehovah no fiandoham-pahendrena:
manana fahalalana tsara izay rehetra mankatò ny didin’ny Tompo:
Mandrakizay ny fiderana Azy;
Ny fahatahorana an'i Jehovah no fiandoham-pahalalana:
fa ny adala manamavo ny fahendrena sy ny fananarana
Ny fahatahorana an'i Jehovah no fananarana mampahahendry; ary ny fanetren-tena no mialoha ny voninahitra
Ny fankahalana ny ratsy no fahatahorana an'i Jehovah: NY FIREHAREHANA, ary ny avonavona, ary ny lalana ratsy,
ary ny vava maditra, halan’Andriamanitra ve
Madio ny fahatahorana an'i Jehovah, maharitra mandrakizay:
marina sy mahitsy avokoa ny fitsaran'i Jehovah
Ny fahatahorana an’i Jehovah no loharanon’aina, hiala amin'ny fandriky ny fahafatesana
Ny fahatahorana an'i Jehovah no mitarika ho amin'ny fiainana: ary izay manana izany no hitoetra ho afa-po;
tsy hovalian-dratsy izy
Ny fahatahorana an'i Jehovah no maharitra andro;:
fa ny taonan'ny ratsy fanahy hohafohezina
Ny fahatahorana an'i Jehovah no misy fahatokiana mafy:
ary hanana fialofana ny zanany
Aleo ny kely misy fahatahorana an'i Jehovah Toy izay harena be misy fahoriana
Famindram-po sy fahamarinana no fanadiovana ny heloka:
ary ny fahatahorana an’i Jehovah no analavirana ny ratsy
Ny fanetren-tena sy ny fahatahorana an'i Jehovah no harena, ary voninahitra, sy ny fiainana
Aoka tsy hialona ny mpanota ny fonao:
fa matahora an'i Jehovah mandritra ny andro.
Fa misy farany tokoa; ary tsy ho foana ny fanantenanao
(SALAMO 19:9; 111:10, Ohabolana 1:7; 8:13; 9:10; 10:27; 14:26-27; 15:16, 33; 16:6; 19:23; 22:4; 23:17-18)
